Ishq vishq pyaar vyaar

Kehte hain ik nazar mein pyaar hota hai
dil ka haal behaal hota hai
sapno mein har pal uska chehra aata hai
office mein saara din khayal uska aata hai

par apne ishq ki alg hi pehchan hai
kabhi kushi kabhi gham ki daastaan hai
pehli kuch mulaakatein bemaani hui
dheere dheere wo apni si hui

muskurahat uski dil mein ghar kar jaati
aankhon ki chamak andheron ko roshan kar jaati

thodi natkhat thodi ziddi si wo khafa jo haati hai
manae mein use meri saari jaan lag jaati hai

phir door chale gaye waqt ki pukaar pe
guzarte thae waqt stairs par baith uske phone ki intzaar mein

uski aawaaz se hoton pe muskurahat aa jaati thi
baaki zindagi background mein chali jaati thi
par kismat ka bada zor tha
wo kahin aur mein kahin aur tha
Naa hum kuch keh sake, naa hum use mana sake
itne saalon baad bhi, rishta naa koi jod sake

ae khuda kabhi to tu bhi zameen par aa
mere har dard par sang mere muskura
Har baar kabool dua tu kisi aur ki karta hai
Baar baar khanjar apne dil ke aar paar hota hai !

wo jo chhoot gaye hain peeche
aur wo jo chhoot jaayenge aagey
unhe kam se kam mere pyar ka aitbaar to dila !
aur jaisa ki wo kehte hain...koi ghanti to baja...
bus mein bagal ki seat mein to bitha diya
phir haath pakadna hum par kyon chhod diya
rabb ye aadhi adhoori khudaai na dikhaa
mere dil ke dard ko aankhon ki nami na bana....